LINDHU, OBAHE BUMI MURKANE GUSTI
Dening: kangprapto
(Kaliputih-Genteng-Banyuwangi, 14-10-2009)
Lindhu iku obahe bumi
Ahli geologi lapis bumi menempatkan diri
Para sufi iki murkane GUSTI
Hakekat paring isyarat
Donya punika kathah piala
Ayo padha elinga
Kang KUWASA
Manungsa lali kodrate diri
Manembahing GUSTI
Kang MAHA SUCI
Drengki srei ginelar sandhuwure bumi
Golek rejeki kaya ora bakale mati
Dalan salah denliwati
Gawe lara ati sesami
Lindu, obahe bumi murkane GUSTI
Pujiku mring HYANG WIDHI
Mugi tinebihna ing bilahi
Ing dinten kawuri
Kang bakal dumadi
Mugi ALLAH nyembadani
Eling urip kang sejati
Siti sipat suci
Apa kang tinandur mesthi thukul
Tanah sipat eklas
Apa kang sinangga bakal tinampa
Simpen keras celathu tanpa bayu
Tikel ilate kel ketikel ngucapne awake dhewe
Jenjem tentrem slamet
Tidak ada komentar:
Posting Komentar