Si'iran Parase Nabi

Si'iran Parase Nabi iki wujud buku kang ditulis migunakake aksara arab nanging basane nganggo basa Jawa. Ing masyarakat Jawa lan umume luwih dikenal kanthi sebutan arab pegon. Basa Jawa sing ditulis nganggo aksara Arab. Ana uga kang nyebut arab gundhul, amerga tulisane ora nganggo harokat. Ing buku parase nabi iki dudu arab gundhul, naging nganggo harokat, dadi pamacane luwih gampang.

Isine nyritakake lelakone Nabi Muhammad SAW wiwit ana kandhutan, kena kanggo tuntunan supaya dadi wong kang ngerti. Migunakake basa kang lumrah saben dina supaya bisa gampang dimangerteni.

Bismillahirohmanirrohim
Abtadiu miwiti ingsun#muji ing allah kalawan nuwun
Ikilah si’iran ing kanjeng gusti#mula den si’ir parase nabi
Mula den pikir sarta den titi#bisaa terang kaya kang ngerti
Nabi Muhammad ingkang sinelir#arep den tutur ana ing si’ir
Putra jalere kiyai Abdullah#pinutraken ana ing Mekah
Durunge dhohir jeng rosulullah#den tilar seda raden Abdullah
Nalika seda raden Abdullah #iku benere ana Abwah
Den sarekaken ana Madinah#kari rerandhan Dewi Aminah
Sarta angandhut jeng rosulullah#tur masih tetep ana ing Makah
Sawuse dhohir menyang Ngunainah#den aturaken dewi Aminah
Den ajak lunga maring Madinah#ibune seda ana Abwah
Sanding kang raka raden Abdullah #den sarekaken ana Madinah
Nabi muhammad balik nyang Mekah #malah sang garwa dewi Khadijah
Sawuse dadi nabi utusan#lan kaparingan kitab qur’an
Sarta baline saiket syariat#para shahabat padha mufakat
Abubakar Umar Usman lan Ali#padha percaya syariat nabi
Tatkala parase nabi sinelir#iku den tutur ana ing sa’ir
Wong mukmin sawiji mure sahabat#ing Abubakar kebat anjawab
Ya Abubakar ratu mukmin#ing dhawuh tuwan kula kepingin
Kalane paras jeng rosulullah#dinane sasi niku punapa
Du’a mawon kuluk kang pundi #den paringaken jeng gusti
Ya Abubakar ratu ngandika#ing wwong mukmin kang paddha teka
Tatkala parase nabi Muhammad#bakdane kundur ing perang uhud
Ing dina isnen wus ana Mekah#iku kundure saking Madinah
Jeng gusti darus qur’an saksaat #mangka ketekan ing malaikat
Jibrail mbeta kalimat ayat #den paringaken nabi Muhammad
Puniki warni ayat Qur’an#den paringaken kekasih tuwan
Muhaliqinaru’usakum#wamuqosirina latahafun
Meneng jeng nabi amung saksaat#dhedhawuhna ing malaikat
Kalajeng pangeran paring rahmad #kalangkung syukur rawuhe nikmat
Ya Jibrail kebat amatur #mengke jeng nabi kinon acukur
Nabi muhammad tuwan acukur#dhawuh jeng nabi kula acukur
Yen kula cukur kersane allah#ya jibrail matur ana ing allah
Nabi Muhammad kasihe allah#jibrail maras jeng rosulullah
Nabi ngandika ing malaikat#sampeyan nuwun ingkang lumafat
Kuluk kula niku kang pundi#rihane tuwan kinuwun marasi
Ya jibrail matur ing allah#nuwun kuluk jeng rosulullah
Ya ilahi anta pangeran #pundi kuluk kasihe tuwan

Pendidikan sebuah investasi masa depan dengan harga sekarang

Pendidikan sebuah investasi masa depan dengan harga sekarang

Tuku saiki dirasakake dina iki keuntungan selawase

Silaturahmi Bupati Banyuwangi karo para guru, kang wis nampa TPP (Tunjangan Profesi Pendidik) uga rawuh kepala sekolah, pengawas sekolah. Acara kang digelar lesehan ana ing lapangan tenis in door lumaku kanthi gayeng, Saka saben sekolah diwakili 3-5 guru, papan karpet kang wis kagelar ora cukup kanggo para guru kang rawuh, ana sing kepeksa lungguhan tanpa karpet. Iki mratandhani para guru banget kepengine sapejagong kalawan bupatine, iku kang digendikake dening Kepala Dinas Pendidikan Bp. Sulihtiyono.

Ana ing sesorah kang diaturake Bp. A.A.Anas (Bupati Banyuwangi) program - program kang wis diwiwiti antara liya:

1. Program Siswa Asuh Sebaya
2. Green and Clean
3. Kendali Ibadah dan Kendali Belajar

Kabeh program mau kanggo nggayuh Banyuwangi Mandiri, Cerdas, Berakhlaq mulia. Para guru, kepala sekolah, pengawas, pejabat dinas pendidikan kudu saiyeg saeka kapti, gugur gunung, rukukanggo nyuksesake progam-program mau. Krana tangane pemerintah kang winates mula kudu bebarengan klawan masyarakat supaya sanggan kang ditanggung dadi enteng.

Ana siji maneh isine sesorah kang sajak narik kawigaten yaiku "bagaimana kita menciptakan pendidikan sebagai sebuah investasi masa depan dengan harga sekarang", Kepriye carane kita nggawe model panggulawenthah kanggo para siswa ing wektu iki 'rega saiki' kanggo wektu kang arep teka 'dimanfaatake ing dina iki lan sateruse'

Pamerintah wis tuku hak cipta buku kang disebut Buku Sekolah Elektronik (BSE) disiapake pamerintah gratis wujud soft copy, kanggo kabeh tingkatan SD, SMP, SMA, Nanging ing kanyatan sekolah utawa koperasi sekolah padha ngedol buku, kang ora ana ing BSE, mula saka pendidikan tetep isih dirasa larang, dirasa abot dening masyarakat.

Miturut panemuku kudune pemerintah daerah bisa kerja sama kalawan bank kanggo nyedhiakake kredit bank kang menehi kalonggaran marang masyarakat, utawane sing putrane pada sekolah. Kredit bank mau ora digunakake kanggo apa-apa sakliyane mung khusus kanggo tuku laptop sing regane bisa dijangkau, kanthi cicilan sesuai karo penghasilan masyarakat.

Umpama regane laptop kira-kira limang yuta (kredit saka bank) nalika putrane sing sekolah lagi kelas 1 SMP duwe wektu  telu nganti  nem tahun kanggo nutup kredit, Rega buku lan LKS ing sekolah sajrone 6 tahun SMP-SMA kurang luwih uga limang yuta.

Keuntungane:

• Wiwit kelas 1 SMP para siswa wis padha nggawa laptop kanggo pembelajaran ana ing omah lan ana ing sekolah
• Kabeh buku BSE bisa disinau kanthi gratis
• Pembelajaran ing sekolah bisa luwih maju krana migunakake teknologi informasi, wujud intranet lan internet
• Program internet murah kang wis digagas kerjasama karo telkom bakal kelakon
• Menempatkan Wi-Fi di taman-taman kota, kecamatan akan semakin mendukung ke arah banyuwangi cerdas

Iku yen diwiwiti saka SMP, upama diwiwiti saka SD, kelas 4 umpamane,  bakal luwih akeh maneh keuntungane amarge wektune tansaya dawa. Dadi nukokake laptop ora usah ndadak ngenteni putrane yen wis padha kuliah, nalika metu SMA.

Luwih apik maneh menawa sekolah SMK kang duwe jurusan teknologi informasi, bisa nyediakake laptop kanthi rega sing luwih murah, nanging kualitase  hebat, tahan banting. Para siswa SMK bisa sinambi sekolah lan kerja kanggo ngasilake laptop.

Iki mujudake tantangan kanggone sekolah supaya bisa mujudake sekolah kanthi pembelajaran kang migunakake sarana teknologi informasi. E-learning, tugas-tugas kang kudu ditindakadke dening para siswa wis di- upload dening para guru ing web sekolah. Ulangan, Ujian bisa digarap liwat internet, lsp,

PIWULANG SAKA KI HAJAR DEWANTARA

Piwulang saka Ki Hajar Dewantara:

Agama iki piwulang, kang ing tataran kapisan mulangake bab anane Gusti Kang Maha Kuwasa, kang ngatur kanthi sampurna sakehing kang ana, sarta netepake anane urip langgeng sawise uriping manungsa ing donya iki.

Ing tataran kapindho sakehing agama iku mulangake kuwajibaning manungsa tumrap ing lair lan batin laras lan piwulangane Ka-Tuhanan mau. Akhire ing tataran kang kaping telu, nganakake tatanan mungguhing tumindake kuwajiban mau.

Senajan dhasare kabeh agama iku padha, nanging sarehne ana cara (“stelsel”) utawa dhapukan-dhapukan tartamtu, mula lawasing lawas kapercayan batin (religie) iku banjur dadi agama kang tumata (godsdienst).

Marga saka iki saya suwe timbul tatanan-tatanan khusus kang mbedakake agama kang siji karo agama liyane, uga ing bab etika utawa wulangane, malah ing ndalem kapercayane dhewe-dhewe, saya suwe katon prabedane ing anatarane agama-agama mau. Malah ing agama siji uga asring ana beda-bedaning paham, nganti nuwuhake anane sekten utawa lairan-aliran.

(sumber saka BURATSARI)

swara jejeg lan swara miring

swara jejeg iku swara karo tulisane padha, tulisane i diwaca /i/ ing tembung kunci ateges swara i jejeg, dene yen tulisane i nanging diwaca /e/ ing tembung dening ateges swara i miring, luwih jangkepe ana ing tabel swara jejeg lan swara miring.

Swara jejeg lan swara miring iki banget dipentingake marang sapa wae sing pengin ngucapake tetembungan kankthi pangucap kang pener lan bener supaya maknane tembung ora kliru. Dipentingake kanggo maca geguritan apadene lelagon tetembangan, sarta sabisa-bisa digunakake ana tata pasrawungan. Ora lali ing tata tulis panganggone swara ing aksara latin kudu luwih disetitekake, luwih cetha yen sinau nulis aksara jawa migunakake sandhangan swara.

Guritan kanthi irah-irahan Owah Gingsir

OWAH GINGSIR
Dening : kangprapto
(Pandan-Genteng-anyuwangi, 25 Juli 2007)

Anggungge perkutut ora kaya adate
ngungkung kumandhang sakiwa tengene
saben isuk dikerek dhuwur ana gantangan
ana alangan kang ngadhang-adhang

ocehing beo kang pinter
tambah banter ana ing omah marmer
saya ndeder anggone kekiter
nyamber-nyamber
nladhung nladhung
kang panggone luwih dhuwur

perkutut kuwi bali kaya wingi uni
marang kanca kumpul nyawiji
dwija kang piguna
tumrap pra siswa kang olah basa
tangga kanca kang wis duwe rasa rumangsa
pangkat panguwasa ora digawa
pralaya

kandhang anyar nggawe perkutut
ayem tentrem, rasa kang wis suwe ilang
ngungkung senajan seminggu mung telung dina
balewisma seneng nampa