Guritan kanthi irah-irahan Owah Gingsir

OWAH GINGSIR
Dening : kangprapto
(Pandan-Genteng-anyuwangi, 25 Juli 2007)

Anggungge perkutut ora kaya adate
ngungkung kumandhang sakiwa tengene
saben isuk dikerek dhuwur ana gantangan
ana alangan kang ngadhang-adhang

ocehing beo kang pinter
tambah banter ana ing omah marmer
saya ndeder anggone kekiter
nyamber-nyamber
nladhung nladhung
kang panggone luwih dhuwur

perkutut kuwi bali kaya wingi uni
marang kanca kumpul nyawiji
dwija kang piguna
tumrap pra siswa kang olah basa
tangga kanca kang wis duwe rasa rumangsa
pangkat panguwasa ora digawa
pralaya

kandhang anyar nggawe perkutut
ayem tentrem, rasa kang wis suwe ilang
ngungkung senajan seminggu mung telung dina
balewisma seneng nampa

RIKMA.doc

KODRATE RIKMA

Dening: kangprapto

Kaliputih-Genteng-Banyuwangi, 21-5-2006

 

 

Pralambange priya wanodya

pratandha enom tuwa

kuwi jaman kuna

saiki trend emansipasi

asil perjuwangan Kartini

kabeh-kabeh kudu madhani

Wong lanang nganggo diklabang diingu dawa ora tumata

Wanita mung cendhak sadhuwure pundhak

Modernisasi globalisasi

praktis ekonomis, ora ruwet, ora sumuk Mas,

 

Apa padha ora nyana?

Besok bakal oleh pitanya

dening kang maha kuwasa?

Geneya padha ngingkari kodrat?

 

Wis diwenehi ora dipepetri

Putri dipotong sakuku driji

dikintirake ana kali

yuswa panjang dipepuji

disawang edi ndudut jroning ati

pratandha putri sejati

Lanang ora nganggo giwang

diklabang ala disawang

dinulu katon wagu

dipotong supaya padhang

oleh cahyaning Hyang

pratandha syukuring dhiri

maring Gusti kang wis maringi

 

 

 

RUKUN.doc

RUKUN

Dening:kangprapto

Kaliputih-Genteng-Banyuwangi, 20-5-2006

 

 

Rukun Tanggane

Rukun Wargane

dudu tontonan

dudu keplok-keplokan

 

jotos-jotosan

sikut-sikutan

padha rebutan

wedi ora kebagian

 

ora mung rakyat

malah para pejabat

padha wedi mlarat

uripe sekarat

lali marang kodrat

 

manungsa

gedhe-cilik lanang-wadon

kulit putih ireng sawo mateng

dedeg lencir dhuwur cendhek

beda-beda iku pratandha

Kuasaning kang AKARYA RAT

 

Manungsa padha manungsane

Padha-padha sumbere

Ing donya mampir ngombe

Urip ora suwe

Ora langgeng selawase

Rukun ing kulawargane

Rukun Tanggane Rukun Wargane

Rukun Negarane Rukun Donyane

Slamet Akherate

Puisi berbahasa Jawa disebut guritan

Puisi merupakan ekspresi ungkapan perasaan yang diwujudkan dengan kata-kata yang singkat padat. perwujudan bwntuk merupakan bagian terluar dari sebuah puisi, sedangkan makna kata yang terajut dalam baris-baris puisi merupakah roh dari sebuah puisi.
Ada amanat yang ingin disampaikan oleh penulis melalui kata-kata.
Keindahan puisi tidak hanya pada wujud luar tetapi juga pada unsur bunyi yang muncul dari tatanan paduan kata serta makna.
butuh kreatifitas dan keberanian untuk mengungkapkan, tulis apa saja yang dipikirkan, dirasakan.
Baca kembali, revisi, untuk menemukan keindahan, nikmati makna untuk menemukan amanatnya
Guritan jawa hanya istilah yang hakekat maknanya sama dengan puisi.
Contoh guritan yang dikarang kangprapto: sabar (sabar ora ana watese), kodrate rikma, rukun, ;lindhu, obahe bumi murkane gusti